Maharashtra Politics: ‘नवीन भिडू नको’, MVA मध्ये MNS च्या एन्ट्रीला काँग्रेसचा थेट विरोध.

महाराष्ट्राच्या राजकारणात राज ठाकरे (Raj Thackeray) यांच्या महाराष्ट्र नवनिर्माण सेनेच्या (MNS) महाविकास आघाडीतील (MVA) प्रवेशावरून जोरदार चर्चा सुरू आहे. उद्धव ठाकरे (Uddhav Thackeray) यासाठी प्रयत्नशील असताना, काँग्रेस (Congress) आणि शरद पवारांच्या (Sharad Pawar) राष्ट्रवादी काँग्रेसने (NCP) मात्र विरोधाचा सूर आळवला आहे. काँग्रेसने तर ‘इंडिया अलायन्सच्या पार्टनरच्या सोबत चर्चा होऊ शकते, कुठलाही नवीन भिडू नको’, अशी थेट भूमिका घेतली आहे. विशेष म्हणजे, मुंबईतील शरद पवारांच्या राष्ट्रवादीच्या पदाधिकाऱ्यांनीही मनसेच्या संभाव्य प्रवेशाला विरोध दर्शवला आहे, तर दुसरीकडे नाशिकमधील पदाधिकाऱ्यांनी मनसे सोबत आल्यास फायदा होईल, असे मत मांडले आहे. यामुळे महाविकास आघाडीत मनसेच्या समावेशावरून अंतर्गत मतभेद स्पष्ट दिसत असून, शरद पवार अंतिम काय भूमिका घेणार याकडे सर्वांचे लक्ष लागले आहे.