Mumbai Satyacha Morcha : 'आयोजकांवर गुन्हा दाखल होऊ शकतो', परवानगी नसताना MNS चा मोर्चा

मुंबईत मनसे (MNS) आणि महाविकास आघाडीचा (Maha Vikas Aghadi) विनापरवानगी मोर्चा, पोलीस आणि नेते आमनेसामने. हा मोर्चा निवडणूक आयोगाच्या विरोधात 'सत्याचा मोर्चा' म्हणून ओळखला जात आहे. 'आयोजकांवरती गुन्हा हा दाखल केला जाऊ शकतो', असे मुंबई पोलिसांनी (Mumbai Police) स्पष्ट केले आहे. मोर्चाला परवानगी नाकारलेली असतानाही, कायदा व सुव्यवस्थेचा प्रश्न निर्माण होऊ नये म्हणून मोठा बंदोबस्त तैनात करण्यात आला आहे. यामध्ये पाचशेहून अधिक पोलीस कर्मचारी, ७० ते ८० अधिकारी आणि राज्य राखीव पोलीस दलाच्या (SRPF) तुकड्यांचा समावेश आहे. हा मोर्चा फॅशन स्ट्रीटवरून मेट्रो जंक्शनमार्गे महानगरपालिकेकडे जाणार आहे. या मोर्चाच्या आयोजनासाठी मनसे नेते बाळा नांदगावकर (Bala Nandgaonkar) यांनी पत्रव्यवहार केला होता, मात्र त्याला पोलिसांनी परवानगी दिलेली नाही, त्यामुळे हा मोर्चा विनापरवानगी निघत आहे.