VIRAL VIDEO: 'बाहेरून वीस हजार मतदार आणले',विलास भुमरे यांची कबुली;CM Shinde यांनी टोकताच सारवासारव

पैठणचे (Paithan) शिवसेना (Shiv Sena) आमदार विलास भुमरे (Vilas Bhumre) यांनी केलेल्या एका वक्तव्यामुळे नवा वाद निर्माण झाला आहे. 'मी बाहेरून साहेब वीस हजार मतदान आणलं,' असं खळबळजनक विधान त्यांनी मुख्यमंत्री एकनाथ शिंदे (CM Eknath Shinde) यांच्या उपस्थितीतच केलं. मुख्यमंत्र्यांनी इशारा करताच भुमरे यांनी सारवासारव करत, 'माझ्या मतदारसंघातले वीस हजार मतदार बाहेर स्थलांतरित झाले होते, त्या लोकांना मी मतदानाच्या दिवशी घेऊन आलो,' असा खुलासा केला. मात्र, त्यांच्या या वक्तव्यामुळे विरोधकांच्या हाताला आयते कोलीत मिळाले आहे. आधीच विरोधकांकडून मतदार यादीत घोळ असल्याचा आरोप केला जात असताना, भुमरे यांच्या या वादग्रस्त वक्तव्यामुळे निवडणुकीतील गैरप्रकारांच्या चर्चेला नव्याने तोंड फुटले आहे.