Maratha Quota Row: 'विखे पाटलांना सोडणार नाही', मंत्री छगन Bhujbal यांचा सरकारला घरचा आहेर

मराठा-ओबीसी आरक्षणाच्या (Maratha-OBC Reservation) मुद्द्यावरून सत्ताधारी महायुतीमध्येच आता वादाची ठिणगी पडली आहे. बीड (Beed) येथील ओबीसी महाएल्गार सभेत (OBC Mahaelgar Sabha) मंत्री छगन भुजबळ (Chhagan Bhujbal) यांनी थेट मंत्री राधाकृष्ण विखे-पाटील (Radhakrishna Vikhe Patil) यांच्यावर हल्लाबोल केला आहे. 'विखे आला आणि सगळ्या महाराष्ट्रामध्ये विखार पसरवून गेला आहे...आम्ही त्यांना सुद्धा सोडणार नाही', असा थेट इशारा भुजबळ यांनी दिला. मराठा आंदोलकांशी चर्चा करण्याच्या विखे-पाटलांच्या भूमिकेवर भुजबळ यांनी तीव्र नाराजी व्यक्त केली. या टीकेला उत्तर देताना, भुजबळ हे ज्येष्ठ नेते असून गैरसमजातून बोलले असावेत, असे विखे-पाटील यांनी म्हटले आहे. तसेच, लवकरच न्यायमूर्ती शिंदे (Justice Shinde), भुजबळ आणि आपण एकत्र बसून हा विसंवाद दूर करू, असे आश्वासनही विखे-पाटलांनी दिले आहे. या आरोप-प्रत्यारोपामुळे मराठा आरक्षणाच्या प्रश्नावर सरकारमध्येच मतभेद असल्याचे स्पष्ट झाले आहे.