All-Indian Final | महिला विश्वचषकाची अंतिम लढत दोन भारतीय खेळाडूंमध्ये

भारताची ग्रँडमास्टर कोनेरू हंपीने महिला विश्वचषकाच्या अंतिम फेरीत स्थान मिळवले आहे. यापूर्वी महिला ग्रँडमास्टर दिव्या देशमुखने अंतिम फेरीतलं आपलं स्थान निश्चित केलं होतं. त्यामुळे महिला बुद्धिबळ विश्वचषकाची अंतिम लढत आता दोन भारतीय खेळाडूंमध्ये होणार आहे. दुसऱ्या उपांत्य फेरीच्या लढतीत कोनेरू हंपीने चीनच्या लेई टिंगझीला हरवून फायनल गाठली. यामुळे महिला विश्वचषकावर भारतीय खेळाडूचे नाव कोरले जाणार यावर शिक्कामोर्तब झाले आहे. येत्या सव्वीस जुलैपासून अंतिम फेरीला सुरुवात होणार आहे. ही एक मोठी बातमी आहे कारण यामुळे भारताच्या बुद्धिबळ क्षेत्रातील वाढती ताकद दिसून येते. दोन्ही खेळाडूंच्या कामगिरीमुळे देशाचे नाव उंचावले आहे.