Latur Case : लातूरमध्ये आरक्षणासाठी जीवन संपवल्याप्रकरणी धक्कादायक माहिती पुढे

लातूरमध्ये आरक्षणासाठी झालेल्या आत्महत्यांच्या प्रकरणात नवी आणि धक्कादायक माहिती समोर आली आहे. आत्महत्येपूर्वी लिहिलेल्या चिठ्ठ्या बनावट असल्याचे तपासातून निष्पन्न झाले आहे. पोलिसांनी दिलेल्या माहितीनुसार, लातूर जिल्ह्यातील दोन आत्महत्या आणि एका आत्महत्येच्या प्रयत्नाच्या प्रकरणात हे सत्य उघड झाले आहे. संबंधित व्यक्तींनी स्वतः या चिठ्ठ्या लिहिलेल्या नसून, त्या नंतर बनावटपणे तयार करण्यात आल्या होत्या. या प्रकरणी तीन गुन्हे दाखल करण्यात आले आहेत. आरक्षणाच्या मागणीसाठी झालेल्या आत्महत्यांच्या चौकशीदरम्यान पोलिसांना ही माहिती मिळाली. या घटनेमुळे आरक्षणाच्या आंदोलनाशी संबंधित प्रकरणांमध्ये नवीन वळण आले आहे. या प्रकरणांची सखोल चौकशी सुरू असून, पुढील तपास सुरू आहे.