EVM Protest: 'परवानगीशिवाय मोर्चा काढल्यास कारवाई', चंद्रशेखर बावनकुळेंचा MVA-MNS ला थेट इशारा

मतचोरी आणि ईव्हीएम (EVM) मधील त्रुटींच्या मुद्द्यावरून महाविकास आघाडी (MVA) आणि महाराष्ट्र नवनिर्माण सेना (MNS) उद्या मुंबईत निवडणूक आयोगाविरोधात मोर्चा काढणार आहेत. या मोर्चाला मुंबई पोलिसांनी परवानगी नाकारल्याने राजकीय वातावरण तापले आहे. 'परवानगीशिवाय मोर्चा काढल्यास नियमानुसार कारवाई केली जाईल,' असा थेट इशारा भाजप नेते चंद्रशेखर बावनकुळे यांनी महाविकास आघाडी आणि मनसेला दिला आहे. मुंबई महापालिका मार्ग आणि आझाद मैदान परिसरात मोर्चाला परवानगी देता येत नसल्याचे कारण पोलिसांनी दिले आहे. असे असले तरी, परवानगीशिवाय मोर्चा काढण्यावर विरोधक ठाम राहण्याची शक्यता वर्तवण्यात येत आहे, ज्यामुळे सरकार आणि विरोधकांमध्ये संघर्षाची चिन्हं दिसत आहेत.