Local Body Polls: 'महायुतीचा भगवा डौलाने फडकेल', Thane मध्ये Eknath Shinde यांचा निर्धार

ठाणे महापालिकेवरून (Thane Municipal Corporation) महायुतीमध्ये (Mahayuti) सुरू असलेल्या दावेप्रतिदाव्यांवर उपमुख्यमंत्री एकनाथ शिंदे (Eknath Shinde) यांनी आपली भूमिका स्पष्ट केली आहे. 'शेवटी काय महायुतीमध्ये आम्ही लोकसभा लढलो, महायुती म्हणून विधानसभा लढलो, स्थानिक स्वराज्य संस्था देखील आम्ही महायुती म्हणूनच लढणार आहोत,' असे शिंदे यांनी ठामपणे सांगितले. प्रत्येक पक्षातील कार्यकर्त्यांना निवडणुकीत संधी मिळावी असे वाटणे स्वाभाविक आहे आणि ते आपली भावना व्यक्त करत आहेत, मात्र अंतिम निर्णय महायुती म्हणून घेतला जाईल असेही ते म्हणाले. आगामी स्थानिक स्वराज्य संस्थांच्या निवडणुकीत महायुतीचाच भगवा फडकेल, असा विश्वास एकनाथ शिंदे यांनी व्यक्त केला आहे. एकीकडे भाजप आणि शिवसेनेचे स्थानिक नेते स्वबळाची भाषा करत असताना, शिंदे यांच्या या वक्तव्यामुळे जागावाटपाबाबतच्या चर्चांना नवे वळण मिळाले आहे.