Virat Kohli RCB Champion | आरसीबी पहिल्यांदा चॅम्पियन, विराटच्या अश्रुंचा बांध फुटला

Virat Kohli RCB Champion | आरसीबी पहिल्यांदा चॅम्पियन, विराटच्या अश्रुंचा बांध फुटला
IPL 2025 Winner: आयपीएल 2025 चा अंतिम सामना 3 जूनला अहमदाबादच्या नरेंद्र मोदी स्टेडियमवर रॉयल चॅलेंजर्स बंगळुरू (Royal Challengers Bengaluru) आणि पंजाब किंग्ज (Punjab Kings) यांच्यात खेळवण्यात आला. या सामन्यात विराट कोहलीच्या (Virat Kohli) आरसीबीनं (RCB) 18 वर्षांचा दुष्काळ संपवत ट्रॉफीवर नाव कोरलं. त्यानंतर मैदानात विराट कोहलीला रडू कोसळलं. सामन्याच्या शेवटच्या ओव्हरमध्येच मैदनात विराट ढसाढसा रडू लागला. लाडक्या विराटला रडताना पाहून चाहत्यांनाही रडू कोसळलं. पण, विराटच्या डोळ्यांतली आसवं, आनंदाश्रू होते. अठरा वर्ष ज्या स्वप्नानं पछाडलं होतं, ते स्वप्न अखेर पूर्ण झालं होतं. फायनचा सामना पाहण्यासाठी अनुष्का उपस्थित होती. आरसीबीच्या विजयानंतर अनुष्काच्या आनंदाला पारावार उरला नव्हता. पहिल्यांदा आयपीएलचं टायटल जिंकल्यानंतर विराट कोहलीच्या डोळ्यांत आनंदाश्रू तराळले. सामना संपल्यानंतर पत्नी अनुष्का विराटला भेटला. विराटनं थेट अनुष्काला मिठी मारली. अनुष्का शर्माला मिठी मारल्यानंतर तो खूप रडला, ज्याचे फोटो सध्या सोशल मीडियावर व्हायरल होत आहेत. त्याच वेळी अनुष्का शर्मानंही तिच्या पतीच्या विजयाचा आनंदोत्सव साजरा केला. अनुष्कानं थेट विराटला कडकडून मिठी मारली.