Digital Arrest: 'तुमचे अश्लील फोटो व्हायरल करू', ज्येष्ठ नागरिकाला ६ कोटींचा गंडा!

नाशिकमध्ये (Nashik) सायबर ठगांनी 'डिजिटल अरेस्ट'च्या (Digital Arrest) नावाखाली केलेल्या मोठ्या फसवणुकीचे दोन प्रकार उघडकीस आले आहेत. 'तुमच्यावर आर्थिक गैरव्यवहाराचा आरोप आहे आणि तुमचे अश्लील फोटो व्हायरल करू', अशी धमकी देत सायबर ठगांनी ही लूट केल्याचे समोर आले आहे. या प्रकारात एका ज्येष्ठ नागरिकाला तब्बल सहा कोटी रुपयांना लुटण्यात आले, तर दुसऱ्या एका प्रकरणात एका ज्येष्ठ नागरिकाची ७२ लाख रुपयांची फसवणूक करण्यात आली आहे. पीडितांना त्यांचे सिमकार्ड वापरून अश्लील फोटो आणि व्हिडिओ व्हायरल झाल्याचे सांगण्यात आले आणि कारवाईच्या भीतीखाली ही रक्कम उकळण्यात आली. या दोन्ही घटनांमुळे नाशिकमध्ये सायबर गुन्हेगारीचा (Cyber Crime) धोका पुन्हा एकदा अधोरेखित झाला असून, पोलिसांनी या प्रकरणी गुन्हा दाखल करून तपास सुरू केला आहे.