Dharavi Shift Protest | धारावी पुनर्वसन विरोधात मुलुंड बंद, उपोषणावर काँग्रेस ठाम

मुंबईतून बातमी आहे की, धारावीकरांचं पुनर्वसन मुलुंडमध्ये नको यासाठी मुलुंडकर आणि विविध पक्षांनी यापूर्वी अनेक आंदोलनं केली आहेत. मात्र, धारावीचं पुनर्वसन मुलुंडमध्येच होणार हे निश्चित झाल्यावर आता महाविकास आघाडी अधिक आक्रमक झाली आहे. महाविकास आघाडीच्या वतीने मुलुंड बंदची हाक देण्यात आली आहे. तसेच, एका दिवसाचं लाक्षणिक उपोषणही करण्यात येणार आहे. काँग्रेस प्रवक्ते राकेश शेट्टी यांच्या नेतृत्वात हे आंदोलन सुरू आहे. प्रशासनाने मुलुंड बंदचे लावलेले बॅनर्स हटवले आहेत. तरीही, काँग्रेस उपोषणावर ठाम आहे. महाविकास आघाडीच्या या मुलुंड बंदला मुलुंडकरांकडून संमिश्र प्रतिसाद मिळत आहे. काही ठिकाणी दुकानं बंद ठेवण्यात आली आहेत, तर स्टेशन परिसरामध्ये दुकानं उघडलेली दिसत आहेत. मुलुंडमधील नागरिक आणि राजकीय पक्ष धारावी पुनर्वसनामुळे मुलुंडच्या पायाभूत सुविधांवर ताण येण्याची भीती व्यक्त करत आहेत.