Maharashtra Politics: 'किमान तुम्ही राहुल गांधी बनू नका', फडणवीसांचा ठाकरेंना सल्ला

देवेंद्र फडणवीस (Devendra Fadnavis) यांनी शिवसेना (UBT) नेते आदित्य ठाकरे (Aditya Thackeray) यांच्यावर केलेल्या टीकेमुळे महाराष्ट्राच्या राजकारणात चर्चांना उधाण आले आहे. फडणवीसांनी आदित्य ठाकरेंच्या कार्यपद्धतीची तुलना थेट काँग्रेस नेते राहुल गांधी (Rahul Gandhi) यांच्याशी केली आहे. 'किमान तुम्ही राहुल गांधी बनू नका,' अशा शब्दात देवेंद्र फडणवीस यांनी आदित्य ठाकरे यांना सल्ला दिला आहे. आदित्य ठाकरे यांनी मतदार यादीतील घोळाबाबत केलेल्या आरोपांवर प्रतिक्रिया देताना फडणवीस म्हणाले की, 'राहुल गांधींनी मोठी स्क्रीन लावून जसे प्रदर्शन केले, तसेच आदित्य ठाकरे करत आहेत'. मात्र, त्यातून काहीही निष्पन्न झाले नाही, असे म्हणत त्यांनी 'खोदा पहाड, निकला चुहा भी नहीं' या म्हणीचा वापर केला. निवडणूक आयोगाने यापूर्वीच अशा आरोपांवर स्पष्टीकरण दिले असल्याचेही फडणवीसांनी नमूद केले.