Delhi Blast: 'उद्या सकाळीच बड्या अधिकाऱ्यांसोबत Meeting घेणार', स्फोटानंतर गृहमंत्री Amit Shah यांचा मोठा निर्णय

दिल्लीतील लाल किल्ल्याजवळ झालेल्या स्फोटानंतर संपूर्ण राजधानी हादरली असून गृहमंत्री अमित शाह यांनी स्वतः घटनास्थळी भेट देऊन परिस्थितीचा आढावा घेतला. 'उद्या सकाळी सगळ्या बड्या अधिकाऱ्यांसोबत मी एक बैठक घेणार आहे,' असे केंद्रीय गृहमंत्री अमित शाह यांनी स्पष्ट केले. या स्फोटानंतर दिल्लीत हाय अलर्ट जारी करण्यात आला असून, राष्ट्रीय तपास यंत्रणा (NIA), राष्ट्रीय सुरक्षा रक्षक (NSG), आणि दिल्ली पोलिसांच्या गुन्हे शाखेसह विविध तपास यंत्रणांनी संयुक्त तपास सुरू केला आहे. ज्या ठिकाणी स्फोट झाला, तेथून लाल किल्ल्याचे प्रत्यक्ष अंतर सुमारे ३००-४०० मीटर आहे. या घटनेच्या पार्श्वभूमीवर, फरिदाबादमध्ये नुकताच एका मोठ्या दहशतवादी कटाचा पर्दाफाश करण्यात आला होता, जिथे मोठ्या प्रमाणात स्फोटके जप्त करण्यात आली होती, त्यामुळे दोन्ही घटनांचा संबंध तपासला जात आहे.