Delhi Terror Attack: दिल्लीतील स्फोट दहशतवादी हल्लाच, केंद्र सरकारची घोषणा; PM Modi यांनी घेतली बैठक.

दिल्लीतील लाल किल्ल्याजवळ झालेल्या स्फोटाला केंद्र सरकारने दहशतवादी हल्ला म्हणून घोषित केले आहे. पंतप्रधान नरेंद्र मोदी (Narendra Modi) यांनी या संदर्भात एक उच्चस्तरीय आढावा बैठक घेतली, तर केंद्रीय गृहमंत्री अमित शाह (Amit Shah) यांनी तपास यंत्रणांना प्रत्येक गुन्हेगाराला शोधून काढण्याचे निर्देश दिले आहेत. 'या हल्ल्यामागील सर्व शक्यता तपासून बघणार,' असे केंद्रीय गृहमंत्री अमित शहांनी स्पष्ट केले आहे. या घोषणेनंतर, पहलगाम हल्ल्यानंतर पाकिस्तानविरोधात सुरू झालेले 'ऑपरेशन सिंदूर' पुन्हा सुरू होणार का आणि पाकिस्तानला अद्दल घडवण्यासाठी भारत कोणती कठोर पावले उचलणार यावर चर्चा सुरू झाली आहे.