Chhagan Bhujbal PC FULL: 2-4 दिवसांत शपथविधी होईल, छगन भुजबळांची माहिती

Chhagan Bhujbal PC FULL: 2-4 दिवसांत शपथविधी होईल, छगन भुजबळांची माहिती 

महाराष्ट्र विधानसभा निवडणुकीत (Maharashtra Vidhan Sabha Election Result 2024) महायुतीने (Mahayuti) 237 जागांवर विजय मिळवत मोठी मुसंडी मारली. तर महाविकास आघाडीला (Mahavikas Aghadi) मोठा फटका बसला. भाजपने (BJP) या निवडणुकीत 132 जागांवर विजय मिळवत ऐतिहासिक कामगिरी केली. त्यामुळे मुख्यमंत्री भाजपचाच होणार, असे बोलले जात आहे. त्यातच राज्याचे काळजीवाहू मुख्यमंत्री एकनाथ शिंदे (Eknath Shinde) यांनी बुधवारी पत्रकार परिषद घेत मुख्यमंत्रीपदाबाबत पंतप्रधान नरेंद्र मोदी (PM Narendra Modi) जो निर्णय घेतील, त्यास माझा आणि शिवसेनेचा पाठिंबा असेल, अशी भूमिका जाहीर केली. यामुळे देवेंद्र फडणवीस (Devendra Fadnavis) हे मुख्यमंत्री होण्याची शक्यता वर्तवली जात आहे. आता राष्ट्रवादी अजित पवार गटाचे नेते छगन भुजबळ (Chhagan Bhujbal) यांनी देवेंद्र फडणवीस यांच्यासाठी जोरदार बॅटिंग केली आहे.

छगन भुजबळ म्हणाले की, ज्यावेळी युती असते, ,त्यावेळी सगळ्यांशी चर्चा करून निर्णय घ्यावा लागतो. समजूत काढावी लागते, त्यामुळे महिना-महिना वेळ लागतो, त्यामुळे हा वेळ काहीच नाही. पुढील दोन-चार दिवसांत शपथविधीचे कार्यक्रम पार पडतील. आज दिल्लीत जाऊन मंत्रिमंडळ फॉर्म्युला ठरविला जाणार आहे, अशी माहिती त्यांनी यावेळी दिली.