Chandrakant Khaire : अंबादास दानवे यांची तक्रार घेऊन चंद्रकांत खैरे मातोश्रीवर, वाद मिटणार?

Chandrakant Khaire : अंबादास दानवे यांची तक्रार घेऊन चंद्रकांत खैरे मातोश्रीवर, वाद मिटणार?
अंबादास दानवे आणि चंद्रकांत खैरे यांच्यात सुरू असलेल्या वादा नंतर खैरे हे पक्षप्रमुख उद्धव ठाकरे यांची भेट घेण्यासाठी मातोश्रीवर   अंबादास दानवे आणि चंद्रकांत खैरे यांच्यात वाद सुरू असताना आपण अंबादास दानवे यांची तक्रार पक्षप्रमुख उद्धव ठाकरे यांच्याकडे करणार असल्याचे त्यांनी सांगितलं होतं  याच पार्श्वभूमीवर उद्धव ठाकरे यांची ते भेट घेत असल्याचं कळतंय, तर पक्षप्रमुखांकडे जरी खैरे तक्रार करत असतील तर पक्षप्रमुख जे बोलतील त्या सूचना पाडू अशी भूमिका अंबादास दानवे यांनी मांडली  आहे   शिवसेना ठाकरे गटाचे नेते तथा माजी खासदार चंद्रकांत खैरे आणि विधानपरिषदेचे विरोधी पक्षनेते अंबादास दानवे यांच्यामध्ये गेल्या काही दिवसांपासून आरोप-प्रत्यारोपाचं राजकारण सुरु आहे.   दोघांकडूनही एकमेकांवर टीका करण्यात येत असल्यामुळे आता छत्रपती संभाजीनगर जिल्ह्यातील ठाकरे गटातील अंतर्गत वाद चव्हाट्यावर आला आहे.   मागील आठवड्यात अंबादास दानवे यांनी बोलवलेल्या पक्षाच्या मेळाव्याला चंद्रकांत खैरे हे उपस्थित न राहिल्याने पुन्हा एकदा हा वाद चर्चेत आला आहे.  आपल्याला मेळाव्याला बोलवण्यात आलच नव्हतं, असा दावा चंद्रकांत खैरे यांनी केला आहे. तसेच आपल्याला मेळाव्याला बोलवण्यात आलं नाही, त्यामुळे याबाबत आपण उद्धव ठाकरे यांच्याकडे तक्रार करणार असल्याचं चंद्रकांत खैरे यांनी म्हटलं होतं