Voter List Row: 'मुस्लिम मतदार पांघरुणाखाली, Hindu मतदारांना लक्ष्य', Ashish Shelar यांचा थेट आरोप

मुंबई भाजप अध्यक्ष आशिष शेलार यांनी ठाकरे बंधूंवर (उद्धव ठाकरे आणि राज ठाकरे) आणि मविआवर मतदार याद्यांवरून जोरदार टीका केली आहे. 'मुस्लिम आणि अल्पसंख्याक दुबार मतदार पांघरुणाखाली ठेवायचे आणि यंत्रणांवर दबाव टाकायचा, या षड्यंत्राने निवडणुका जिंकण्याचा प्रयत्न ते करताहेत,' असा थेट आरोप शेलार यांनी केला. त्यांनी ठाकरे बंधूंना एसआयआरला (Special Intensive Review) समर्थन देण्याचे आव्हान दिले आहे. केवळ अल्पसंख्याक मतांच्या तुष्टीकरणासाठी ही भूमिका घेतली जात असल्याचा दावा करत, बिहारी, उत्तर भारतीय, जैन आणि गुजराती मतदारांनंतर आता मराठी मतदारांनाही विरोध करण्याची भूमिका ठाकरे घेत आहेत, असे शेलार म्हणाले. आमच्या विरोधात जरूर रहा, पण विचार वापसी करा, असे आवाहनही त्यांनी केले.