Bhaskar Jadhav Allegations | समाजात तेढ निर्माण करणारे हेच ते अनाजीपंत - भास्कर जाधव

ठाकरेंच्या शिवसेनेचे नेते भास्कर जाधव यांनी मुंबईतील शिवसेना भवनात गुहागरमधील मुंबईवासीयांच्या मेळाव्यात मोठे गौप्यस्फोट केले. २०२४ च्या निवडणुकीत प्रचारादरम्यान जातिवाचक बोलल्याचा ठपका ठेवत, तत्कालीन मुख्यमंत्री एकनाथ शिंदे आणि गृहमंत्री फडणवीस यांनी आपल्या अटकेसाठी दबाव आणला होता, असा आरोप त्यांनी केला. जाधव यांनी ब्राह्मण समाजावरही टीका केली. ब्राह्मण समाज पाताळी यंत्री असून समाजात तेढ निर्माण करणारा अनाजी पंत असल्याचा आरोप त्यांनी केला. "सावध व्हा, हा शेवटचा वार आहे. मी बाजूला झालो तर तुम्हाला घेऊन टाकतील," असा इशारा त्यांनी उर्ध्वी समाजाला दिला. आपल्या अटकेसाठी दबाव आणला जात असताना, एसपींनी पुरावा नसल्याचे सांगितले होते, असे जाधव म्हणाले. "ज्या दिवशी एवढा जरी पुरावा सापडला तर मी अटक करेन पण एवढाही पुरावा नाही," असे एसपींनी सांगितल्याचे जाधव यांनी नमूद केले. "हे, हे अनाजी पंत आहेत का नाही?" असा प्रश्नही त्यांनी उपस्थित केला.