Atul Benke On Sharad Pawar : अतुल बेनकेंकडून शरद पवारांची भेट;शहरात बॅनर्स,बेनकेंची प्रतिक्रिया काय?

Atul Benke On Sharad Pawar : अतुल बेनकेंकडून शरद पवारांची भेट;शहरात बॅनर्स,बेनकेंची प्रतिक्रिया काय?

 शरद पवार साहेबांचा आशीर्वाद माझ्या पाठीशी आहे. असं म्हणत जुन्नरचे अजित पवार गटाचे आमदार अतुल बेनकेंनी संभ्रमावस्था कायम ठेवली आहे. अजित पवारांची साथ सोडून बेनके विधानसभेपुर्वी शरद पवारांची तुतारी फुंकणार का? सध्या अशी चर्चा जोरदार सुरुये. बेनकेंकडून सुद्धा या चर्चेला नेहमी खतपाणी घातलं जातं. आजच्या शरद पवारांच्या जुन्नर दौऱ्यात ही बेनकेंनी पवार साहेबांच्या स्वागतासाठी फ्लेक्स झळकवले अन याचं फ्लेक्सवर अजित पवारांना मात्र स्थान दिलं नाही. इतकंच नव्हे तर गेल्या महिन्याप्रमाणेच आज ही पवारांची भेट घेण्यासाठी बेनके सरसावल्याचं दिसून आलं. विधानसभेपुर्वी शरद पवार आणि अजित पवार एकत्र येऊ शकतात, असे सूतोवाच ही बेनकेंनी दिले होते. त्यामुळं बेनकेंच्या डोक्यात काय शिजतंय अशी चर्चा जुन्नरमध्ये रंगलेली आहे. अशातच आपण तुतारी विरोधात लढणार का? असा प्रश्न विचारला असता मी आज सगळं सांगणार नाही, पण पवार साहेबांचा आशीर्वाद माझ्या पाठीशी आहे. असं म्हणत संभ्रमावस्था कायम ठेवलेली आहे.