Rajkiya Aatishbaji 2025 | Anil Deshmukh | शरद पवार टायगर बॉम्ब, अजितदादा चक्री; देशमुखांची फटाकेबाजी

नागपुरात दिवाळीचे फटाके खरेदी करताना माजी गृहमंत्री अनिल देशमुख यांनी राज्यातील प्रमुख नेत्यांवर आपल्या खास शैलीत राजकीय फटकेबाजी केली आहे. 'अजित पवार आणि एकनाथजी शिंदे हे सध्या भारतीय जनता पार्टीच्या चक्रव्यूहामध्ये सांडपंथात सापडले आहेत,' असे म्हणत त्यांनी दोघांनाही 'चक्री' फटाका भेट दिला. देशमुख यांनी राष्ट्रवादी काँग्रेसचे अध्यक्ष शरद पवार यांना 'टायगर बॉम्ब', तर मुख्यमंत्री देवेंद्र फडणवीस यांना 'डबल शॉट' फटाका देणार असल्याचे सांगितले. मराठा आणि ओबीसी अशा दोन्ही समाजांना एकाच वेळी खूश ठेवण्याचा प्रयत्न फडणवीस करत असल्याचा आरोप त्यांनी केला. शिवसेना (उद्धव बाळासाहेब ठाकरे) नेते संजय राऊत यांच्यासाठी त्यांनी 'रॉकेट'ची निवड केली, कारण ते कधी आणि कुठे जाऊन फुटेल याचा भरवसा नसतो, असे ते म्हणाले. राजकारणात आता बंदुकीची गरज नसून ईडी आणि सीबीआयचा वापर विरोधकांचा आवाज दाबण्यासाठी केला जात असल्याचा गंभीर आरोपही देशमुखांनी यावेळी केला.