Parth Pawar Land Scam : 'पार्थ दोषी नाही, तो व्यवहार रद्द करणार', अजित पवार भूमिका स्पष्ट करणार?

उपमुख्यमंत्री अजित पवार यांचे पुत्र पार्थ पवार यांच्या कंपनीच्या जमीन व्यवहारामुळे सुरू झालेल्या वादावर आता अजित पवार पत्रकार परिषद घेऊन भूमिका मांडणार आहेत. 'पार्थ पवार कुठल्याही प्रकारे दोषी नाहीत कारण त्यानं सरकारची फसवणूक केलेली नाहीये आणि संबंधित कंपनीसोबत झालेला व्यवहार रद्द करण्यात येणार आहे', अशी माहिती सूत्रांनी दिली आहे. पुण्यातील मुंडवा येथील सरकारी जमीन कमी किमतीत खरेदी केल्याचा आणि मुद्रांक शुल्क चुकवल्याचा आरोप पार्थ पवार यांच्या अमेडिया एलएलपी या कंपनीवर आहे. या प्रकरणी मुख्यमंत्री देवेंद्र फडणवीस यांनी चौकशीचे आदेश दिले आहेत. याच पार्श्वभूमीवर उपमुख्यमंत्री अजित पवार यांनी राष्ट्रवादी काँग्रेसचे नेते प्रफुल्ल पटेल आणि सुनील तटकरे यांच्यासह मुख्यमंत्र्यांची भेट घेतली, ज्यामुळे या प्रकरणाला राजकीय महत्त्व प्राप्त झाले आहे.