Diwali 2021 : आमदार अमोल मिटकरी यांच्या घरी हटके लक्ष्मीपूजन, ABP माझाच्या प्रेक्षकांसाठी खास आढावा

राष्ट्रवादीचे आमदार अमोल मिटकरी यांनी आपल्या अकोल्यातील तोष्णीवाल लेआऊटमधील आपल्या घरी दिवाळी साजरी केलीय. मात्र, आमदार अमोल मिटकरींनी आपल्याकडील लक्ष्मीपूजन अतिशय हटके पद्धतीनं केलं. त्यांनी आपल्या घरील लक्ष्मीपूजन 'जिजाऊपूजन' आणि बळी'च्या स्वरूपात केलं आहे. त्यांच्या या आगळ्यावेगळ्या लक्ष्मीपूजनाच्या आराशीत भारताचं संविधान, महाराष्ट्राचं दैवत विठ्ठल, राजमाता जिजाऊ, छत्रपती शिवाजी महाराज, संत तुकाराम महाराज, राजर्षी शाहू महाराज, डॉ. बाबासाहेब आंबेडकर, बळीराजा, ग्रामगीता, तुकारामाची अभंगगाथा, महात्मा फुले गौरवग्रंथ ठेवण्यात आले होतेय. विशेष म्हणजे आमदार मिटकरी यांनी पत्नी कविता यांचं पुजन करत त्यांचं दर्शनही घेतलं आहे. आमदार अमोल मिटकरी यांच्या या अनोख्या लक्ष्मीपुजनाचा आढावा घेत आमदार अमोल मिटकरी यांच्याशी संवाद साधलाय आमचे प्रतिनिधी उमेश अलोणे यांनी...