Ambadas Danve on Parth Pawar : सरकारी जमीन विकूनही सगळे नामानिराळे, अंबादास दानवेंचा हल्लाबोल

शिवसेनेचे नेते अंबादास दानवे यांनी उपमुख्यमंत्री अजित पवार यांचे पुत्र पार्थ पवार यांच्यावर पुण्यातील जमीन व्यवहारावरून गंभीर आरोप केले आहेत. 'अजित दादांनी याच्यात राजीनामा देण्याची आवश्यकता आहे', अशी थेट मागणी दानवे यांनी केली आहे. दानवे यांच्या आरोपानुसार, पुण्यातील कोरेगाव पार्कमधील अंदाजे १८०० कोटी रुपये किमतीची ४० एकर सरकारी जमीन पार्थ पवार यांच्या कंपनीला विकण्यात आली आणि या व्यवहारात नियमांचे उल्लंघन झाले. ही जमीन पार्थ पवार यांच्या ९९ टक्के मालकीच्या कंपनीला मिळाली असल्याचा दावा दानवे यांनी केला. या प्रकरणात सरकार लपवाछपवी करत असून, उपमुख्यमंत्री देवेंद्र फडणवीस यांनी चौकशीचे आदेश दिले असले तरी, या प्रकरणाची निवृत्त न्यायाधीशांमार्फत चौकशी व्हावी, अशी मागणीही दानवे यांनी केली आहे.