ABP Majha Headlines : 11 PM : 07 June 2024 : Maharashtra News : एबीपी माझा हेडलाईन्स

सध्याचं काम सुरुच ठेवा, राजीनाम्याची इच्छा व्यक्त करणाऱ्या फडणवीसांना अमित शाहांचा सल्ला, मोदींच्या शपथविधीनंतर महाराष्ट्राबाबत सविस्तर निर्णय होणार..

मी उपमुख्यमंत्री होणार या बातम्यांमध्ये तथ्य नाही, मंत्री गिरीश महाजन यांचं स्पष्टीकरण तर फडणवीसांनी सरकारमध्ये राहून पक्ष संघटनेचं काम करावं, महाजनांची मागणी

शिवसेनेकडून २, तर अजित पवारांच्या राष्ट्रवादीकडून एका कॅबिनेट मंत्रिपदाची मागणी, महाराष्ट्र भाजपच्या वाट्याला ३ कॅबिनेट मंत्रिपदं मिळण्याची शक्यता

लोकसभा निकालांनंतर  शिंदेंना मोठा धक्का बसण्याची शक्यता, शिंदेंच्या शिवसेनेतले ५ ते ६ आमदार ठाकरेंच्या संपर्कात, ठाकरे गटातल्या वरिष्ठ नेत्याची माहिती, शिंदे गटाच्या शिरसाटांचा पलटवार

कोकण पदवीधर निवडणुकीतून मनसेची माघार, फडणवीसांच्या विनंतीनंतर राज ठाकरेंचा निर्णय, अशा गोष्टी वारंवार होणार नाहीत, मनसेचा इशारा

नरेंद्र मोदी ९ जूनला संध्याकाळी सहा वाजता पंतप्रधानपदाची शपथ घेणार, राष्ट्रपतींकडून एनडीएला सत्ता स्थापनेचं निमंत्रण, शपथविधी सोहळ्याची राष्ट्रपती भवनात लगबग

ट्वेन्टी ट्वेन्टी विश्वचषकाच्या साखळीत पाकिस्तानला सलामीच्या सामन्यात धक्कादायक पराभवाला सामोरं जावं लागलं. यजमान अमेरिकेनं चक्क बलाढ्य पाकिस्तानचा सुपर ओव्हरमध्ये पाच धावांनी पराभव करून नवा इतिहास घडवला. विशेष म्हणजे मूळचा मुंबईकर आणि मराठमोळा सौरभ नेत्रावळकर अमेरिकेच्या ऐतिहासिक विजयाचा एक प्रमुख शिल्पकार ठरला. निर्धारित २०-२० षटकांत हा सामना टाय झाला. त्या टाय सामन्यात सौरभ नेत्रावळकरनं चार षटकात केवळ १८ धावा मोजून दोन फलंदाजांना माघारी धाडलं होतं. मग त्यानंच सुपर ओव्हरमध्ये मॅचविनरची भूमिका बजावली. अमेरिकेनं सुपर ओव्हरमध्ये पाकिस्तानला विजयासाठी १९ धावांचं आव्हान दिलं होतं. पण सौरभनं त्या सुपर ओव्हरमध्ये इफ्तिकार अहमदला बाद करून पाकिस्तानला केवळ १३ धावाच मिळू दिल्या. त्यामुळं अमेरिकेला पाच धावांनी सनसनाटी विजय साजरा करता आला. अमेरिकेचा हा गटातला दुसरा विजय ठरला. या सामन्यातल्या पराभवानं पाकिस्तानवरचं दडपण वाढलं असून, रविवारच्या साखळी सामन्यात पाकिस्तानसमोर भारताचं आव्हान आहे.