Kolhapur : आंतरजातीय विवाह केलेल्यां पती-पत्नीची हत्या, न्यायालयानं सुनावली आजन्म कारावासाची शिक्षा

सैराट चित्रपटातील कहाणीप्रमाणे आंतरजातीय विवाह केलेल्या बहीण आणि तिच्या पतीची हत्या करणाऱ्या दोन सख्ख्या भावांना कोल्हापुरातील न्यायालयानं आजन्म कारावासाची शिक्षा सुनावली आहे. पन्हाळा तालुक्यातल्या मेघा पाटील हिने प्रियकराबरोबर आंतरजातीय विवाह केला होता. या लग्नाला तिच्या कुटुंबीयांचा विरोध होता. लग्नानंतर कसबा बावडा इथं राहणाऱ्या मेघा आणि तिच्या पतीची तिच्या सख्ख्या भावांनी हत्या केली होती. या घटनेआधी सैराट चित्रपट प्रदर्शित झाला होता. त्यामुळे कोल्हापुरातील ऑनर किलिंगच्या या घटनेची राज्यभर चर्चा झाली होती.