Mahayuti On Uddhav - Raj Thackeray: ठाकरे बंधू भेटीने महायुतीला धडकी, पालिकेसाठी महायुतीचा 'प्लॅन B

उद्धव ठाकरेंच्या वाढदिवसानिमित्त राज ठाकरेंनी मातोश्रीला भेट दिली. या भेटीमुळे ठाकरे बंधू एकत्र येण्याची शक्यता निर्माण झाली आहे. यामुळे महापालिका निवडणुकीच्या तोंडावर महायुतीच्या गोटात खळबळ उडाली आहे. मतांचे विभाजन टाळण्यासाठी प्रमुख महापालिकांमध्ये एकत्रित लढण्याचा निर्णय महायुतीने घेतला आहे. जिथे युती शक्य नाही, तिथे मित्रपक्षांवर टीका न करण्याचे निर्देश मुख्यमंत्री देवेंद्र फडणवीस यांनी दिले आहेत. भाजपला मुंबई महापालिकेवर झेंडा फडकवायचा आहे. ठाकरे बंधू एकत्र आले तरी हे लक्ष्य पूर्ण करण्यासाठी रणनीती आखण्यात येत आहे. महायुतीचा महापौर करायचा, हे मनात ठरवलेलं आहे. त्यामुळे आम्हाला कोणासोबत लढायचं, हे आता पुढच्या काळात स्पष्ट होईल. महायुतीने 'नो रिस्क' धोरण तयार केले आहे. मुंबईची माहिती असलेल्या नेत्यांकडे निवडणुकीची जबाबदारी दिली जाईल. वाद महिनाभरात मिटवले जातील. मुंबई महापालिकेतल्या ठाकरेंच्या कारभाराची पोलखोल केली जाईल. प्रत्येक वॉर्डची जबाबदारी आमदारांकडे दिली जाईल. सणासुदीच्या काळात जनतेपर्यंत पोहोचण्याचा प्रयत्न होईल. गोविंदा पथके आणि गणेशोत्सव मंडळांना महायुतीशी जोडले जाईल. ठाकरे बंधू एकत्र येण्याच्या चर्चेने ठाकरेंच्या शिवसेनेत उत्साह आहे. ते म्हणतात की जनता जे ठरवते, तेच महत्त्वाचे आहे. मनसे आपली तयारी करत आहे. ठाकरे बंधू एकत्र आल्यास मराठी मतदारांवर विशेष लक्ष असेल. महायुतीने मतांचे विभाजन टाळण्यासाठी 'प्लॅन बी' आखला आहे.