Jammu & Kashmir : जम्मू-काश्मीरमध्ये पुन्हा एकदा पाकिस्तानी दहशतवाद्यांचा घुसखोरी करण्याचा प्रयत्न

जम्मू-काश्मीरमध्ये पुन्हा एकदा पाकिस्तानी दहशतवाद्यांनी घुसखोरी करण्याचा प्रयत्न केला. पण सतर्क भारतीय सैन्यानं त्यांचा हा प्रयत्न हाणून पाडला. यावेळी झालेल्या चकमकीत भारतीय सैनिकांनी ३ पाकिस्तानी दहशतवाद्यांना ठार केलं. दहशतवाद्यांचा घुसखोरी करतानाचा व्हीडियोही समोर आलाय. घुसखोर भारतीय सैन्याची नजर चुकवून भारतात कसे शिरतात ते या व्हीडियोत स्पष्टपणे दिसून येतंय. या व्हीडियोत तीन पाकिस्तानी दहशतवादी भारतात घुसण्याचा प्रयत्न करताना स्पष्टपणे दिसत आहेत. भारतीय सैनिकांना याचा सुगावा लागताच त्यांनी लगेचच या दहशतवाद्यांना रोखण्याचा प्रयत्न केला. या ऑपरेशनमध्ये दहशतवाद्यांकडून मोठ्या प्रमाणावर शस्त्र आणि दारुगोळा भारतीय सैन्यानं हस्तगत केलाय.