Congress leader Grand Welcome! रांगोळी, पुष्पवृष्टी,ढोल-ताशाने स्वागत अन् कोरोना देण्याचीही व्यवस्था

सोलापूर जिल्ह्यात एकीकडे कोरोनाबाधित रुग्णांचा आकडा 35 हजारांच्या पार पोहोचला आहे. तर मृतांची संख्या 1200 च्या पुढे गेलीय. आता कुठे शहरातील परिस्थिती नियंत्रणात येताना पाहायला मिळतेय. मात्र कोरोनाचा संसर्ग वाढू नये यासाठी राज्याच्या मुख्यमंत्र्यांपासून जिल्हाधिकाऱ्यांपर्यंत सर्व जण सामान्यांना गर्दी न करण्याचं आवाहन करत आहेत. मात्र या सर्व आवाहन आणि नियमांचं सत्ताधारी असलेल्या पक्षाच्या शहराध्यक्षांनाच विसर पडलाय की काय असे म्हणण्याची वेळ आलीय. सोलापुरात काँग्रेसचे शहराध्यक्ष असलेल्या प्रकाश वाले हे कोरोनामुक्त झाले म्हणून जंगी स्वागत करण्यात आलं. यावेळी रांगोळी आणि फुलांच्या पायघड्या, ढोल-ताशे, पुष्पवृष्टी, दिमतीला बाऊन्सर आणि प्रंचड गर्दीत अध्यक्षांचं जंगी स्वागत करण्यात आलं.