नवी मुंबई : प्लास्टिक बंदीमुळे लाकडी ताटांना ग्राहकांची पसंती

ऐन लग्नसराईच्या तोंडावर  राज्य़ शासनाने प्लास्टिकबंदीचा निर्णय घेतल्यानंतर लग्नात वापरल्या जाणाऱ्या प्लास्टिकच्या ताटांवर संक्रात आली. मात्र यावर आता लाकडी ताटांचा पर्याय समोर येताना दिसतोय. नवी मुंबईच्या एपीएमसी मार्केटमध्ये सध्या ही पर्यावरणपूरक ताटे पाहायला मिळत आहेत. सुपारी, मका आणि उसापासून याची निमिर्ती करण्यात आली आहे. विशेष म्हणजे ग्राहकांचाही याला चांगला प्रतिसाद मिळत आहे. लाकडी ताटांचं विघटन होत असल्यानंही ग्राहकांची याला पसंती मिळतेय.  मात्र प्लास्टिक  आणि थर्माकोलच्या ताटांपेक्षा याची किंमत जास्त आहे. १ रुपयांना प्लास्टिकचं ताट खरेदी करणाऱ्यांना आता लाकडी ताटासाठी ७ रुपये मोजावे लागणार आहेत