नाशिक : ऊसाच्या शेतात बिबट्याचे तीन बछडे, अनेकांची सेल्फीची हौस

नाशिक जिल्ह्यातल्या ब्राह्मणवाडे शिवारात ऊसाच्या शेतात बिबट्याचे 3 बछडे सापडले. ऊस तोडणी कामगारांना हे बछडे आढळून आले. बछडे सापडल्याची बातमी वाऱ्यासारखी पसरताच त्यांना बघण्यासाठी ग्रामस्थांनी एकच गर्दी केली.
विशेष म्हणजे या छोट्या-छोट्या बछड्यांना हातात घेऊन अनेकांनी स्वतःची सेल्फीची हौसही भागवून घेतली. दरम्यान, बछडे सापडल्यानं त्यांची आईसुद्धा परिसरात असण्याची शक्यता आहे. त्यामुळे वनविभागानं बिबट्याच्या मादीला पकडण्यासाठी बछड्यांना पिंजऱ्यात ठेवलं आहे