ब्रेकफास्ट न्यूज : महिलेला धक्का लागला म्हणून प्रवाशाला ट्रेनखाली ढकललं?

सोबतच्या महिलेला धक्का लागल्याच्या कारणावरून पुरूषानं प्रवाशाला लोकल खाली ढकललं. यात दीपक पटवा यांचा जागीच मृत्यू झाला. शनिवारी दुपारी मुलुंडमधल्या फलाट क्रमांक 3 वर ही घटना घडली. दोन महिला स्थानकाच्या बाहेर पडत होत्या तर दीपक लोकल पकडण्यासाठी स्थानकावर उतरत होते. या दरम्यानच दोघांमध्ये वाद झाल्याची शक्यता आहे. महिलांची मदत करण्यासाठी काही इसमांनी पटवा यांना धक्काबुक्की केली. याप्रकरणी पटवा यांनी महिलेची माफीही मागितली, मात्र तरीही प्रत्यक्षदर्शींच्या सांगण्यानुसार प्लॅटफॉर्मवरील इसमांनी पटवा यांना धक्काबुक्की सुरूच ठेवली. याच मारहाणीत पटवा लोकलखाली आल्याची शक्यता आहे. या संपूर्णप्रकरणी पोलिसांनी गुन्हा दाखल केला असून आरोपींचा शोध घेत आहेत.