मुंबई: राज्यमंत्री विजय शिवतारेंना वाहतूक कोंडीचा फटका, लोकलने प्रवास

मुंबईच्या वाहतूक कोडींचा चागंलाच फटका शिवसेनेचे राज्यमंत्री विजय शिवतारे यांना आज बसला. त्यामुळे त्यांनी गाडी ऐवजी लोकलने प्रवास करण्यास पसंती दिली. शिवतारेंनी गोरेगाव ते चर्चगेट आणि त्यानंतर पुन्हा चर्चगेट ते गोरेगाव प्रवास केला.
शिवसेनेच्या वर्धापन दिनानिमित्त आज शिवसेनेचे सर्वच नेते गोरेगावला कार्यक्रमासाठी उपस्थित होते. शिवतारें देखील या कार्यक्रमाला उपस्थित राहिले. परंतु त्यांना मंत्रालयात एका महत्त्वाच्या मिटींगसाठी उपस्थित राहयचे होते. परंतु मोठ्या प्रमाणात झालेल्या वाहतूक कोंडीमुळे शिवतारेंनी लोकलने प्रवास करण्यास पसंती दिली. मीटींग संपल्यानंतर पुन्हा शिवतारे उद्धव ठाकरेंच्या सभेसाठी लोकलनेच प्रवास करुन हजर झाले.