मालेगाव : वाळूच्या गाडीला मिनीट्रॅव्हल्सची धडक, 10 जणांचा मृत्यू, 11 जखमी

मुंबई आग्रा महामार्गावर आज सकाळी भीषण अपघात झाला. यात 10 जणांचा मृत्यू झाला तर पाच ते सहा जखमी झाले आहेत.
उज्जैनच्या महाकालेश्वर मंदिराचं दर्शन घेऊन सर्व भाविक मुंबईच्या दिशेने येत होते. त्यावेळी मिनी ट्रॅव्हल्स आणि वाळूच्या गाडी दरम्यान अपघात झाला. मालेगावजवळील सोग्रास इथं ही घटना घडली आहे. जखमींना चांदवडच्या उपजिल्हा रुग्णालयात दाखल करण्यात आलं आहे. मृतांमध्ये नाशिक, कल्याण, भिवंडीतील भाविकांचा समावेश आहे. देवदर्शनावरुन परत येणाऱ्या भाविकांवर काळाने घाला घातल्याने सर्वत्र हळहळ व्यक्त केली जात आहे.