VIDEO | पत्री पुलावरच्या खड्ड्यांविरोधात कल्याणकर रस्त्यावर | कल्याण | ABP Majha

कल्याणच्या पत्री पुलाचं रखडलेलं काम आणि या पुलाच्या रस्त्यावर पडलेले खड्ड्यांविरोधात कल्याणकर आज रस्त्यावर उतरले होते. काल याच रस्त्यावर मोठा अपघात होऊन अरुण महाजन यांचा मृत्यू झाला होता. पत्री पूल आणि तिथल्या रस्त्याची जबाबदारी ही एमएसआरडीसी विभागाची आहे. पण एमएसआरडीसीनं गेल्या वर्षीपासून या पुलाकडे अजिबात लक्ष दिलेलं नाही. त्यामुळं मनसेच्या कार्यकर्त्यांनी पत्री पुलावर एमएसआरडीसीचं श्राद्ध घातलं. तसंच तर रिपाई कार्यकर्त्यांनी पत्री पूल परिसरात रास्ता रोको केला. पत्री पुलाच्या कामाला वेळीच सुरुवात झाली नाही आणि पुलावरुन होणारी अवजड वाहतूक थांबली नाही तर आक्रमक आंदोलन करण्याची धमकी मनसे कार्यकर्त्यांनी दिली आहे.