जम्मू-काश्मीर : पाकिस्तानला या हल्ल्याची किंमत चुकवावी लागेल : संरक्षणमंत्री

श्रीनगरमध्ये पुन्हा एकदा केंद्रीय राखीव पोलीस दल अर्थात सीआरपीएफ कँपवर दहशतवादी हल्ला झालाय. यात एक जवान शहीद झालाय. जवानांनी दिलेल्या प्रत्युत्तरानंतर दहशतवाद्यांनी पळ काढला.
श्रीनगरमधील श्री महाराजा हरीसिंह रुग्णालयापासून काही अंतरावर सीआरपीएफचं मुख्यालय आहे. या तळावर निवासी इमारती आहेत.पहाटे साडे चारच्या सुमारास मुख्यालयातील एका जवानाला दोन संशयित दहशतवादी दिसले. दोन्ही दहशतवादी गोळीबार करत तळाच्या दिशेनं येत होते. सतर्क जवानाने दहशतवाद्यांच्या दिशेने गोळीबार केला. या प्रत्युत्तरानंतर दोन्ही दहशतवादी अंधाराचा फायदा घेऊन पसार झाले.