Kiccha Sudeep and Ajay Devgan : किचा सुदीपला दिलं अजय देवगणनं दिलं सणसणीत उत्तर ABP Majha

साउथचे चित्रपट हिंदीत डब होऊन बॉक्स ऑफिसवर कोट्वधींचा गल्ला गोळा करतायत. मात्र असे असतानाही साऊथ स्टार किचा सुदीपनं हिंदीबाबत वक्तव्य केलं आणि त्याला अजय देवगणनं प्रत्युत्तर दिलं. त्यामुळं बॉलिवूड विरुद्ध टॉलिवूड असा भाषावाद सुरु झाल्याचं दिसतंय. किचा सुदीपनं एका कार्यक्रमात बोलताना हिंदी ही राष्ट्रभाषा नसल्याचं म्हटलं. त्यावर हिंदी ही राष्ट्रभाषा नाही तर साऊथचे चित्रपट हिंदीत डब करून रिलीज का करता? असा प्रश्न अजय देवगणनं विचारला एवढंच नव्हे तर हिंदी ही राष्ट्रभाषा आहे आणि राहील असंही म्हटलं. यावरून ट्विटरवर चांगलचं वाकयुद्ध रंगलं. किचा सुदीपनंही माझे वाक्य चुकीच्या पद्धतीनं घेतल्याचं म्हटलं. एवढंच नव्हे तर प्रत्येक भाषेचा मी आदर करतो असंही त्यानं म्हटलंय. किचा सुदीपच्या वक्तव्यावर बॉलिवूडमधील निर्मात्यांची संघटना एफडब्ल्यूआयसीआने आक्षेप नोंदवलाय. तसंच सुदीपनं माफी मागितली नाही तर त्याचे चित्रपट हिंदी बेल्टमध्ये रिलीज करण्याबाबत विचार करू अशी धमकीही दिलीय. एकूणच हा वाद आता वेगळे वळण घेत असल्याचं दिसतंय.