Zero Hour : Kolhapur Corporation : महापालिकेचे महामुद्दे : कचऱ्याची मोठी समस्या; कोल्हापूरकर हैराण

 तुम्ही पाहताय एबीपी माझा... आणि एबीपी माझावर सुरुय झीरो अवर... झीरो अवरच्या दुसऱ्या सत्रात आपण पाहणार आहोत विविध शहरांमधल्या महापालिकेच्या महामुद्देमधील विशेष रिपोर्टस. त्यासाठी पहिल्यांदा जाऊयात कोल्हापुरात. महाराष्ट्रात ऐतिहासिक, धार्मिक, पारंपरिक संस्कृती आणि पर्यटनाच्या दृष्टीनं महत्त्वाचं असलेलं शहर म्हणजे आपलं कोल्हापूर. पण त्याच कोल्हापूर शहराला आज एक ना अनेक समस्यांनी ग्रासलंय. पण त्या सगळ्या समस्या एका बाजूला आणि कचऱ्याची समस्या एका बाजूला अशी सध्या परिस्थिती आहे. या कचऱ्याच्या समस्येनं कोल्हापूर शहराला अक्षरश: वेढलंय, असं म्हटलं तर वावगं ठरणार नाही. कोल्हापूर शहरातील कचरा उचलण्याचा प्रश्न जितका मोठा आहे, तितकाच मोठा प्रश्न सध्या कचरा प्रक्रिया प्रकल्पाचाही  आहे. पाहूयात त्याच संदर्भातला एक रिपोर्ट.

कोल्हापूर शहरात दररोज दीडशे टन कचरा गोळा होतो

कोल्हापूर महानगरपालिकडे 160 घंटा गाड्या आहेत

प्रत्येक घंटागाडीच्या दोन ते तीन फेऱ्या होतात

कचरा उठावासाठी 18 ट्रॅक्टर आहेत त्यांच्या प्रत्येकी दोन ते तीन फेऱ्या होतात

महापालिकेकडे पाच डंपर आहेत त्यांच्या प्रत्येकी दोन फेऱ्या होतात

दोन पोकलेन आणि एका जेसीबीच्या साह्याने कचरा प्रक्रिया प्रकल्पावर काम केले जाते