Zero Hour Full : ठाकरेंचं आंदोलन ते वागंचुक यांच्या आंदोलनाचा २० वा दिवस; झिरो अवरमध्ये सखोल चर्चा

जेव्हा जेव्हा श्रद्धेचा विषय राजकारणाच्या केंद्रस्थानी येतो, तेव्हा तेव्हा लढाई केवळ सत्तेची राहत नाही, तर हिंदुत्वावर हक्क कोणाचा... याचीही होते. आणि महाराष्ट्रात आता अशीच एक नवी राजकीय लढाई सुरू झाल्याचं चित्र दिसतंय.

नमस्कार... मी पूर्वी भावे... तुम्ही पाहत आहात झीरो अवर. आज देशात अशी राजकीय स्थिती निर्माण झालीय, की  रामाच्या नावावर राजकारण करणारे राजकीय पक्ष आता रामाच्या नावावरुन एकमेकांना प्रश्न विचारतायत...
(म्हणजेच काय तर अयोध्येतील राम मंदिरातील दान चोरी प्रकरणावरुन महाराष्ट्रात नवा हिंदुत्वाचा संघर्ष पेटण्याची चिन्हं आहेत.. कारण, उद्धव ठाकरेंचे रामरक्षा आंदोलन.) नागपुरात होणाऱ्या याच रामरक्षा (या आंदोलनासाठी ठाकरेंनी आधी मुख्यमंत्री देवेंद्र फडणवीसांना निमंत्रण दिल्यानंतर आता थेट राष्ट्रीय स्वयंसेवक संघाचे सरसंघचालक मोहन भागवत यांनाच खास निमंत्रण दिलंय.)  

"राम मंदिरातील कथित देणगी अपहारावर संघाने शोक व्यक्त केला... मग आरोपींवर कारवाई का झाली नाही?" असा थेट सवाल संजय राऊतांनी केला आहे.

(इतकंच नाही... "हिंदूंना अंधभक्तीतून जागं करण्यासाठी रामरक्षा चळवळ सुरू केली," असं म्हणत त्यांनी भाजपच्या हिंदुत्वाच्या राजकारणालाच उघड आव्हान दिलं आहे.)

(आणि हे सगळं कुठे घडतंय...? नागपुरात... भाजपचा बालेकिल्ला... मुख्यमंत्री देवेंद्र फडणवीसांचं राजकीय केंद्र... आणि राष्ट्रीय स्वयंसेवक संघाचं मुख्यालय असलेल्या शहरात.) (म्हणूनच आता प्रश्न फक्त रामरक्षा आंदोलनाचा नाही... प्रश्न आहे... संघ या निमंत्रणाला प्रतिसाद देणार का? सरसंघचालक मोहन भागवत स्वतः येणार की... प्रतिनिधी पाठवणार... की पूर्णपणे मौन बाळगणार?)  

आणि या सगळ्यात आणखी एक मुद्दा चिकटलाय तो दिल्लीतून.. 

(राम मंदिरावरील आंदोलनाबरोबरच संजय राऊतांनी केंद्र सरकारवर दुसऱ्या आघाडीवरही हल्ला चढवलाय. दिल्लीत उपोषणाला बसलेल्या सामाजिक कार्यकर्ते सोनम वांगचुक यांच्या प्रकृतीचा मुद्दा उपस्थित करत, केंद्र सरकार संवेदनशील नाही, असा गंभीर आरोप त्यांनी केलाय. त्याचबरोबर NEET पेपरफुटी प्रकरणात संबंधित मंत्र्यांच्या राजीनाम्याचीही मागणी केली आहे.)

(म्हणजेच... एकीकडे राम मंदिर... दुसरीकडे सोनम वांगचुक... आणि तिसरीकडे NEET...)

यासगळ्याचं राजकीय विश्लेषण करणार आहोत.. पण, सुरुवात आजच्या प्रश्नानं..