Zero Hour BMC Election :मराठी-अमराठी vs हिंदू-मुस्लिम? मुंबई पालिका निवडणुकीत कोणता मुद्दा गाजणार?

गेली अनेक वर्षे मुंबईवर बाळासाहेब ठाकरे यांच्या शिवसेनेचे अलिखित राज्य होते, जे काँग्रेस किंवा भाजपने कधीही बदलले नाही. मात्र, गेल्या पाच-सात वर्षांत राजकीय समीकरणे पूर्णपणे बदलली आहेत. उद्धव ठाकरे यांनी वैचारिक विरोधक असलेल्या काँग्रेस आणि शरद पवार यांच्यासोबत जाऊन मुख्यमंत्रीपद मिळवले, पण बरेच काही गमावले. आता मुंबई आणि ठाण्यातील निवडणुका तोंडावर असताना, राज ठाकरे आणि उद्धव ठाकरे एकत्र आल्यास भावनिक मुद्द्यांवर भाजपला रोखता येईल, असा अंदाज आहे. ही निवडणूक ठाकरेंसाठी केवळ नावासाठी आणि प्रतिष्ठेसाठी नसून राजकीय अस्तित्वासाठीही महत्त्वाची आहे. भाजप विकासाच्या मुद्द्यांसोबतच 'कटेंगे तो बटेंगे' हा यशस्वी फॉर्म्युला वापरण्याची शक्यता आहे. त्यामुळे, "शहराच्या विकासासाठी कोणी काय केलं? सामान्य मुंबईकरांसाठी कोणी काय केलं आणि पुढे कोण काय करू शकेल याचा हिशेब मागायची हीच योग्य वेळ असेल."