China च्या कुरापती कधी थांबणार? गलवानमध्ये आगळीत, आधी आता अरुणाचलमध्ये वसवलं गाव?

नवी दिल्ली : अरुणाचल प्रदेशमध्ये चीननं एक गाव उभारल्याची धक्कादायक माहिती अमेरिकेच्या पेंटागॉनच्या (Pentagon) अहवालात देण्यात आलीय. अमेरिकन काँग्रेसला पेंटागॉननं सादर केलेल्या या वार्षिक अहवालात चीनच्या एलएसीवरील कारवायांचा उल्लेख करण्यात आलाय. अरुणाचल प्रदेशच्या भागात चीननं एक गाव उभारलं आहे आणि प्रत्यक्ष नियंत्रण रेषेवर दावा करण्यासाठी चीनकडून वाढत्या कारवाया सुरू असल्याचं पेंटागॉनच्या अहवालात नमूद करण्यात आलंय.