Rinku Singh Extortion: Rinku Singh ला Dawood च्या पंटरची धमकी, 5 कोटींची खंडणी!

क्रिकेटपटू Rinku Singh ला अंडरवर्ल्डकडून धमकी मिळाल्याचे समोर आले आहे. Dawood Ibrahim च्या पंटर मोहम्मद दिलशाद नौशादने Rinku Singh कडे ईमेलद्वारे पाच कोटी रुपयांची खंडणी मागितली होती. मुंबई पोलिसांनी ही माहिती दिली. मोहम्मद दिलशाद नौशादला त्रिनिदाद टोबॅगोमधून प्रत्यार्पित करण्यात आले आहे. त्याने Rinku Singh कडे पाच कोटी रुपयांची खंडणी मागितल्याची कबुली दिली आहे. दिलशाद नौशादने यापूर्वी राष्ट्रवादी काँग्रेसचे नेते Zeeshan Siddiqui यांच्याकडेही पाच कोटी रुपयांची खंडणी मागितली होती. मोहम्मद दिलशाद नौशाद हा मूळचा बिहारच्या दरभंग्याचा रहिवासी आहे. Rinku Singh ची सध्याची मालमत्ता वीस कोटी रुपये असल्याचे समजते. त्याचा BCCI शी Grade C करार असून, त्याला वर्षाला एक कोटी रुपये मानधन मिळते. IPL मध्ये तो Kolkata Knight Riders संघाचा खेळाडू असून, त्याचा तेरा कोटी रुपयांचा करार आहे. अंडरवर्ल्डकडून धमकी मिळालेला Rinku Singh हा पहिला सेलिब्रिटी नाही. यापूर्वी Salman Khan, Shah Rukh Khan, Akshay Kumar, Rakesh Roshan, Mahendra Singh Dhoni, Rahul Dravid, Sachin Tendulkar आणि Sourav Ganguly यांनाही धमक्या मिळाल्या आहेत. Rinku Singh आता या यादीत सामील झाला आहे.