Gondia Deaths : गोंदियात ऑक्सिजनअभावी कुणाचाही मृत्यू नाही, मंत्री नवाब मलिक यांनी आरोप फेटाळले

गोंदिया : गोंदियाच्या शासकीय वैद्यकीय महाविद्यालयात ऑक्सिजन संपल्यानं गुरुवारी रात्री 15 गंभीर रुग्णांना प्राण गमवावे लागल्याचा आरोप रुग्णांच्या नातेवाईकांनी केला आहे. या घटनेनंतर सोशल मीडियावर मेसेज व्हायरल झाल्यावर प्रशासनाविरोधात तीव्र संताप व्यक्त करण्यात आला आहे. मात्र दुसरीकडे ऑक्सिजनच्या अभावानं हे मृत्यू झाले नसल्याचा दावा प्रशासन आणि नेत्यांनी केला आहे. रुग्णालयात पुरेसा ऑक्सिजन साठा उपलब्ध असल्याचं गोंदियाचे पालकमंत्री नवाब मलिक यांनी म्हटलं आहे.