Monkey Attack School Student In Nandurbar : नंदूरबारच्या शाळेत माकडांचा उच्छाद,वनविभाग त्रासातून कधी सुटका करणार? Special Report

Monkey Attack School Student  In Nandurbar : नंदूरबारच्या शाळेत माकडांचा उच्छाद,वनविभाग त्रासातून कधी सुटका करणार? Special Report

शाळा, ज्याला आपण विद्यामंदिर किंवा ज्ञानमंदिरही म्हणतो. त्याच शाळेत उद्याची पिढी घडत असते. संस्कारांचं सिंचन त्यांच्यावर होत असतं. याच शाळेत त्यांचं व्यक्तिमत्त्व बहरत असतं. जिथे मुलांच्या कलागुणांनाही पैलू पाडले जातात, त्यांच्या कक्षा रुंदावल्या जातात, अशाच शाळेमध्ये जर त्यांना दहशतीत शिक्षण घ्यावं लागलं तर...आम्ही हा प्रश्न विचारण्याचं कारण राज्यातल्या एका भागातले विद्यार्थी भीतीच्या सावटाखाली शिकतायत. नेमकं काय घडलंय? कुठे घडलंय ते पाहूया.

नंदुरबारच्या नवापूर शहरात इतर शहरांसारखीच शाळा भरलीय...

विद्यार्थ्यांच्या कवायती सुरू आहेत...

आणि त्याचवेळी एक अनाहूत पाहुणा विद्यार्थ्यांमध्ये घुसतो...

एकच खळबळ उडते...

नवापूरच्या शाळेंमध्ये विद्यार्थी मोठ्या उत्साहाने ज्ञानार्नसाठी येतात. मात्र त्यांना सामना करावा

लागतोय तो माकडांच्या हल्ल्यांचा.

होय, बरोबर ऐकलत माकडांच्या हल्ल्यांचा. कारण, माकडांच्या त्रासाने

नवापूरमधील गुजराथी हायस्कूल आणि सार्वजनिक मराठी हायस्कूलचे

विद्यार्थी अतिशय भीतीदायक वातावरणात वर्गात बसतायत.