Chatrapati Sambhaji Maharaj Official Picture : कसे दिसणार संभाजी महाराज?: Special Report : Kolhapur

छत्रपती संभाजी महाराज (Chhatrapati Sambhaji Maharaj Photo) यांचे अधिकृत छायाचित्र लवकरच महाराष्ट्राच्या समोर उपलब्ध होणार आहे... हे छायाचित्र अंतिम करण्याची प्रक्रिया सुरू झाली असून, यासंदर्भात तीन छायाचित्रांसह कागदपत्रांची माहिती मागवली आहे. राज्य शासनाकडून (Maharashtra Government) राष्ट्रपुरुष, थोर व्यक्ती यांच्या जयंती साजऱ्या केल्या जातात. यावर्षीपासून छत्रपती संभाजी महाराज यांच्या जयंतीचा देखील समावेश राज्य शासनाने केला आहे. मात्र संभाजी महाराज यांचे अधिकृत छायाचित्र सरकारने प्रसिद्ध केले नव्हते. ते छायाचित्र आता लवकरच प्रसिद्ध केले जाणार आहे. त्यासाठी सातारा (Satara) आणि कोल्हापूर (Kolhapur) इथून संभाजी महाराजांच्या छायाचित्राच्या तीन प्रती आणि संबंधित कागदपत्रांची माहिती मागवली आहे. त्यासाठी छत्रपती संभाजी महाराज यांच्या वंशजांना शासनाकडून पत्र व्यवहार करण्यात आला आहे.