आदर्शग्राम हिवरेबाजारमध्ये 30 वर्षांपासून बिनविरोध, यंदा मात्र निवडणूक, पोपटराव पवारांसमोर उमेदवार

आपल्या विकासकामांमुळे राज्यात नव्हे तर देशात आणि विदेशात नाव असलेल्या अहमदनगर मधील आदर्शगाव हिवरे बाजार मध्ये यावेळी तब्बल 30 वर्षांनंतर ग्रामपंचायत निवडणूक होत आहे. 1990 पासून  सुरू असलेली बिनविरोध निवडणूकीची परंपरा यावेळी मात्र खंडित होत आहे. त्यामुळे या गावातील माजी सरपंच आणि हिवरे बाजरीचे कार्याध्यक्ष पोपट पवार यांना आता निवडणुकीच्या रिंगणात उतरून निवडणूक लढवावी लागणार आहे.