Top 100 Headlines : 100 हेडलाईन्स Superfast News : ABP Majha 05 Sept 2024

मालवणमधील शिवरायांचा पुतळा कोसळल्याप्रकरणी शिल्पकार जयदीप आपटेला कल्याणमधील घरातून अटक, कल्याणचे डीसीपी सचिन गुंजाळ यांच्या टीमने आपटेला घेतलं ताब्यात, जयदीप आपटे १० दिवसांपासून होता फरार. 

मालवण राजकोट पुतळा दुर्घटना चौकशीसाठी नेमलेल्या संयुक्त तांत्रिक समितीचा पाहणी दौरा. समितीनं तब्बल सव्वा तास केली राजकोट किल्ल्यावर पाहणी. पोलिसांचा कडेकोट बंदोबस्त.

चांगलं काम केलं तर लोक चांगलं बोलत नाहीत, मात्र पुतळा पडल्यावर टीका करतायत, नारायण राणेंची मालवणमधील पुतळा दुर्घटनेवरून विरोधकांवर टीका.   

छत्रपती शिवाजी महाराजांच्या राजकोटच्या पुतळाप्रकरणी चंद्रपुरात भव्य निषेध मोर्चा. चंद्रपुरातील शिवप्रेमी नागरिकांचा मोर्चात सहभाग. 

पूजा खेडकरच्या जामीन अर्जावर आज सुनावणी, पूजा खेडकरनं बनावट सर्टिफिकेटचा वापर करून IAS पद मिळवल्याचा आरोप. 

बदलापूर अत्याचार प्रकरणी आरोपी अक्षय शिंदला १४ दिवसांची न्यायालयीन कोठडी, आरोपी वापरत असलेला मोबाईल पोलिसांना मिळाला नाही, एसआयटीकडून आरोपीने मोबाईल कुठे टाकला याचा तपास सुरू.

लातूरमध्ये संतापजनक घटना, चाकूचा धाक दाखवून  34 वर्षीय महिलेवर बलात्कार, आरोपी शिकलोधन कांबळे फरार, आरोपी विरोधात कासारशिरसी पोलीस ठाण्यात गुन्हा दाखल.

चंद्रपुरात बलात्कार पीडित अल्पवयीन मुलीची आत्महत्या, बल्लारपूर शहरातील घटना, आरोपीवर पॉस्कोअंतर्गत गुन्हा दाखल करत अटक केल्याची माहिती.

कायदे आहे पण अंमलबजावणी होत नाही, महिलांवरील वाढत्या अत्याचारांवर राज्य बाल हक्क आयोगाच्या अध्यक्षा सुशीबेन शाह यांची प्रतिक्रिया, राजकीय इच्छाशक्तीचा अभाव असल्याचीही व्यक्त केली खंत.