ABP Majha Headlines : 02.30 PM : 16 July 2025 : Maharashtra News : एबीपी माझा हेडलाईन्स

मंगळवेढ्यात एका विवाहितेने गृहकराच्या मदतीने आत्महत्येचा बनाव केला. या बनावासाठी तिसरीच्या चिमुकलीला जाळून ठार मारल्याची धक्कादायक घटना उघडकीस आली असून, आरोपींना बेड्या ठोकण्यात आल्या आहेत. एबीपी माझाच्या बातमीनंतर नागपुरातील युनियन बँकेने माघार घेतली असून, मराठीतील एफआयआर स्वीकारण्याची तयारी दर्शवली आहे. शिंदेंची शिवसेना आणि अनंदराज आंबेडकर यांच्या रिपब्लिकन सेनेच्या युतीची आगामी महापालिका निवडणुकीसाठी अधिकृत घोषणा झाली आहे. मंत्री संजय शिरसाट यांच्या खात्याच्या कामावर भाजपाची नाराजी असल्याची सूत्रांची माहिती आहे. विधानभवनाच्या पायऱ्यांवर विरोधकांनी बनियंन टॉवेल गुंडाळून आंदोलन केले. राज ठाकरे सोबत असल्याच्या उद्धव ठाकरेंच्या वक्तव्यावर "एक भाऊ एका भावासोबत नसावाका?" असा सवाल संजय राऊतांनी केला. प्रवीण गायकवाड यांनी आपल्यावरील हल्ला सरकार पुरस्कृत असल्याचा गंभीर आरोप करत, एका मंत्र्यावर मास्टरमाइंड असल्याचा दावा केला. ऑपरेशन मुस्कान अंतर्गत एकेचाळीस हजाराहून अधिक बेपत्ता मुलामुलींचा शोध घेण्यात आला असून, मुख्यमंत्र्यांनी विधान परिषदेत ही माहिती दिली. तेलंगणात गेलेली चंद्रपुरातील चौदा गावे पुन्हा महाराष्ट्रात समाविष्ट करण्याचे निर्देश मुख्यमंत्री फडणवीस यांनी दिले आहेत. पुणे आणि भिवंडीत बनावट नोटा बनवण्याचे कारखाने उघडकीस आले असून, राज्यात पाच वर्षात एक कोटी चाळीस लाखांच्या बनावट नोटा जप्त करण्यात आल्या आहेत.