TOP 50 News : टॉप 50 बातम्यांचा वेगवान आढावा : 29 Jan 2025 : ABP Majha

मुंबईत पुढील ५ वर्षांत वॉटर ट्रान्सपोर्ट वाढवण्याचा परिवहन विभागाचा निर्णय, मुंबईत वॉटर मेट्रो, वॉटर टॅक्सी यासाठी स्वतंत्र प्रणाली विकसीत केली जाणार, पुढच्या २ महिन्यात बाईक टॅक्सीही सुरु करण्याची योजना. 

मुंबईकरांना पुढच्या २ वर्षात वाहतुकीचा नवा पर्याय मिळणार, २०२८ पर्यंत लंडनच्या हिथरो एअरपोर्टच्या पॉड टॅक्सी बीकेसीत येणार, एका पॉड टॅक्सीतून एका वेळी ६ जणांना प्रवास करता येणार.

वाढत्या प्रदूषणाला आळा घालण्यासाठी मुंबईत पेट्रोल-डिझेलच्या वाहनांवर बंदीच्या हालचाली, उच्च न्यायालयाच्या आदेशानंतर समिती स्थापन, तीन महिन्यात समिती सरकारला अहवाल सादर करणार. 

रेडीरेकनरच्या दरात १ एप्रिलपासून १० टक्के वाढीचा राज्य सरकारचा निर्णय, मुद्रांक शुल्कात वाढ होणार असल्यानं १ एप्रिलपासून घर घेणं महागणार. 

सिडकोकडून लॉटरी काढलेल्या घरांच्या किमती आवाक्याबाहेर असल्यानं लोकांचा अल्पप्रतिसाद, २६ हजार घरांसाठी आले फक्त १५ हजार अर्ज.

पालकमंत्रिपदासंदर्भात अजित पवारांच्या दालनात बैठक, मंत्री गोगावले, आमदार दळवी आणि थोरवेंनी घेतली अजित पवारांची भेट, रायगडच्या पालकमंत्रिपदावर मंत्री भरत गोगावले ठाम.

रायगड पालकमंत्रिपद निर्णय प्रक्रियेला वेग, रायगडचं पालकमंत्रिपद आदिती तटकरे, गोगावलेंना विभागून देणार असल्याची चर्चा, सहपालकमंत्रिपद न स्वीकारण्यावर शिवसेना ठाम.

राज ठाकरेंच्या उपस्थितीत उद्या मुंबईत मनसेचा मेळावा,  विधानसभा निवडणुकीत झालेल्या पराभवानंतर पहिलाच मेळावा, आगामी मुंबई महानगरपालिका निवडणुकीच्या अनुषंगाने राज ठाकरे मार्गदर्शन करणार. 

मनसेचा उद्या पदाधिकारी मेळावा. या मेळाव्यात राज ठाकरे काय भूमिका मांडणार याकडे सगळ्यांचे लक्ष. स्बळाचा नारा देणार की युतीची घोषणा करणार? राजकीय वर्तुळात चर्चा. उद्या सकाळी १० वाजता मेळाव्याचं आयोजन.