Samsung : Samsung Galaxy S23 FE पुढच्या महिन्यात होणार लाँच, दमदार आहेत फिचर्स जाणून घ्या सविस्तर
Samsung Galaxy S23 FE कंपनी लवकरच लाँच करणार आहे. हा आगामी स्मार्टफोन सध्याच्या माॅडेलपेक्षा स्वस्त असणार असल्याची शक्यता वर्तवली जात आहे.
Samsung Galaxy S23 FE Launch Date : Samsung हा अतिशय चांगला ब्रँड समजला जातो. Samsung चे अनेक फोन कमी किंमतीत असल्याकारणाने ग्राहकांना ते विकत घेणे परवडते. याच कारणामुळे Samusug फोनची मागणी मोठ्या प्रमाणात आहे. कोरियन कंपनी सॅमसंगने या वर्षाच्या सुरुवातीला Galaxy S23 सीरीज लॉन्च केली होती. ज्याची किंमत 74,999 ते 1.5 लाख रुपये आहे. आता याच Series मधील आणखीन एक माॅडेल Samsung Galaxy S23 FE कंपनी लवकरच लाँच करणार आहे. हा आगामी स्मार्टफोन सध्याच्या माॅडेलपेक्षा स्वस्त असणार असल्याची शक्यता वर्तवली जात आहे. या आगामी फोनमध्ये तुम्हाला काय नवीन फिचर्स मिळतील हे जाणून घेऊयात.
आहेत दमदार फिचर्स
Samsung Galaxy S23 FE मध्ये ट्रिपल कॅमेरा सेटअप मिळेल ज्यामध्ये 50MP OIS कॅमेरा, 8MP अल्ट्रावाइड कॅमेरा आणि 12MP टेलिफोटो कॅमेरा असेल. फ्रंटमध्ये कंपनी 10MP कॅमेरा देऊ शकते. स्मार्टफोनमध्ये 120hz च्या रिफ्रेश रेटसह 6.4-इंचाचा FHD + डायनॅमिक AMOLED डिस्प्ले असेल. आगामी फोन Qualcomm Snapdragon 8 Gen 1 किंवा Exynos 2200 चिपसेट असू शकतो. 4500 mAh ची बॅटरी 25 वॅट्सच्या फास्ट चार्जिंगसह स्मार्टफोनमध्ये आढळू शकते. मोबाईल फोन Android 13-आधारित OneUI 5.1 वर काम करेल.
कधी होणार लाँच
सॅमसंग हा फोन सप्टेंबरच्या शेवटच्या आठवड्यात लॉन्च करण्यात येऊ शकतो. मोबाईल फोनची किंमत 50 ते 60,000 दरम्यान असू शकते.
या फोनची विक्री 29 पासून सुरू होणार आहे
Real Me ने आदल्या दिवशी स्मार्टफोन लॉन्च केले आहेत. Realme 11 5G ची विक्री 29 ऑगस्टपासून सुरू होईल, तर तुम्ही 30 ऑगस्टपासून Realme 11X 5G खरेदी करू शकाल. तुम्ही अर्ली बर्ड सेलमध्ये खरेदी केल्यास, कंपनी Realme 11 वर 1,500 रुपये आणि Realme 11x वर 1,000 रुपये सूट देत आहे. Realme 11 आणि Realme 11x ची अर्ली बर्ड सेल उद्यापासून सुरू झाली आहे.
Realme 11 5G
Realme 11 5G फोनमध्ये 6.4-इंच लांबीचा फुल HD+ सॅमोलेड डिस्प्ले आहे, ज्याचा रिफ्रेश रेट 90Hz आहे. फोन MediaTek Dimensity 6020 प्रोसेसरने सुसज्ज आहे. ज्यामध्ये 8GB RAM आणि 256GB स्टोरेज उपलब्ध आहे. फोनमध्ये 5000mAh बॅटरी आणि 33W फास्ट चार्जिंग सपोर्ट आहे. फोटोग्राफीसाठी यामध्ये प्रायमरी कॅमेरा 64MP चा आहे. त्यासोबत 2MP कॅमेरा आहे. सेल्फी आणि व्हिडीओ कॉलिंगसाठी यात 8MP सेल्फी कॅमेरा मिळेल. Mali G57 MC2 GPU सह MediaTek Dimensity 6100+ चिपसेटसह प्रोसेसर येईल.
Realme 11x 5G
कंपनीनं Realme 11x या स्मार्टफोनच्या सर्व फीचर्सची माहिती अद्याप सार्वजनिक केलेली नाही. मात्र, फोनमध्ये 64 मेगापिक्सलचा AI कॅमेरा आहे. याशिवाय या फोनमध्ये 33 वॅट फास्ट चार्जिंगची सुविधा देखील देणार आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
