iPhone 14 च्या 128GB व्हेरिएंटवर मिळते भरघोस सूट; आता 'इतक्या' किंमतीत खरेदी करू शकता तुमचा आवडता फोन
iPhone 14 Offer : तुम्ही आता फ्लिपकार्टवरून Apple चा iPhone 14 स्वस्तात खरेदी करू शकता.
iPhone 14 and 15 Disccount Offer : आयफोनच्या (iPhone) चाहत्यांसाठी एक आनंदाची बातमी आहे. जर तुम्ही कमी किंमतीत आयफोन खरेदी करण्याचा विचार करत असाल तर तो खरेदी करण्याची ही सर्वोत्तम वेळ आहे. कंपनीने आयफोन 14 वर एक भरघोस ऑफर आणली आहे. या ऑफरमध्ये तुम्ही Flipkart वरून iPhone 14 चा 128GB व्हेरिएंट केवळ 57,999 रुपयांमध्ये 17% च्या सवलतीत खरेदी करू शकता. या फोनची (Smartphone) किंमत 69,990 रुपये असली तरी सध्या त्यावर सूट दिली जात आहे. तब्बल 12 हजारांची सूट देण्यात आली आहे. याशिवाय एचडीएफसी बँकेच्या क्रेडिट कार्डवर मोबाईल फोनवर 1000 रुपयांची बँक सूटही दिली जात आहे. आयफोन 14 वर एक्सचेंज डिस्काउंट देखील दिला जात आहे आणि तुम्ही तुमच्या जुन्या फोनच्या बदल्यात 34,500 रुपयांपर्यंत मिळवू शकता. तसेच, या फोनची एक्सचेंज व्हॅल्यू तुमच्या फोनच्या स्थितीवर अवलंबून असणार आहे.
जर तुमचा फोन अगदी नवीन स्थितीत असेल तर तुम्हाला पूर्ण एक्सचेंज व्हॅल्यू मिळू शकेल ज्यानंतर फोनची किंमत आणखी कमी होईल. असे कंपनीकडून सांगण्यात आलं आहे.
iPhone 15 वर 8,000 पर्यंतची सूट
Apple च्या नवीनतम मॉडेल iPhone 15 वर देखील 8,000 रुपयांची सूट दिली जात आहे. ही सवलत Croma आणि iNvent स्टोअर्सवर दिली जात आहे. कंपनी HDFC बँक क्रेडिट कार्डवर 5,000 रुपयांची सूट देत आहे आणि पेमेंट पेजवर 3,000 रुपयांची अतिरिक्त सूट दिली जात आहे. अशा प्रकारे तुम्ही 79,990 रुपयांऐवजी केवळ 71,990 रुपयांमध्ये iPhone 15 खरेदी करू शकता.
आयफोन 14 आणि 15 ची वैशिष्ट्ये कोणती?
iPhone 15 मध्ये 6.1-इंचाचा डिस्प्ले, Apple A16 बायोनिक चिप, 48+12MP ड्युअल कॅमेरा सेटअप आणि USB टाईप C चार्जिंग पोर्ट आहे. स्मार्टफोनमध्ये डायनॅमिक आयलंड वैशिष्ट्य आणि IP68 रेटिंग देखील आहे.
आयफोन 14 आणि 15 मध्ये नेमका फरक काय?
कॅमेरा, प्रोसेसर, फीचर्स, चार्जिंग पोर्ट इत्यादी बाबतीत दोन्ही स्मार्टफोन्समध्ये फरक आहे. iPhone 14 मध्ये तुम्हाला 12+12MP चे दोन कॅमेरे (Camera) मिळतात. यामध्ये तुम्हाला डायनॅमिक आयलंड फीचर मिळत नाही तर नवीन iPhone 15 या मॉडेलमध्ये हे सर्व देण्यात आले आहे. तसेच, दोन्हीच्या किंमतीत खूप फरक आहे. कारण 14 हे एक वर्ष जुने मॉडेल आहे.
महत्त्वाच्या बातम्या :
महत्त्वाच्या बातम्या
